Бағдарлама еріктіліктің барлық аспектілерін қамтиды, мысалы, ҚР және басқа елдердегі волонтерлік қызметтің құқықтық аспектілері, еріктілерді тарту процесі, МАТЖ дейінгі және жанынан еріктілерді тіркеу және басқару процесі, сондай-ақ еріктілердің жіктеуіші және еріктілерге лайықты міндеттер, еріктілердің құқықтары мен міндеттері, сондай-ақ еріктінің жеке қауіпсіздігінің негіздері көрсетілген. Яғни, Бағдарламада төгілгенге дейін шешілуі қажет міндеттер (дайындық кезеңі) және мұнай төгілуі кезіндегі міндеттер (операциялық кезең) көрсетілген.

Бағдарлама «Еріктілер жылы» форумында ұсынылды.

МАТЖ жанындағы еріктілер санының көп бөлігін студенттер құрайды, сондықтан әлеуетті еріктілердің мәліметтер базасын құру мақсатында Х. Досмұхамедов атындағы университет және Атырау Мұнай және газ институты сияқты осындай ЖОО студенттерімен кездесулер өткізілді. Аталған кездесулерде волонтерлікті дамыту жобасы және (Атырау университетінде волонтерліктің презентациясы) ұсынылды, сондай-ақ барлық мүдделі қатысушылар дерекқорға енгізу және одан әрі оқыту үшін Еріктіні тіркеу нысанын толтырды.

Сондай-ақ, ЖОО-мен «Төтенше жағдайлар туындаған кезде Каспий жағалауы және Атырау мен Маңғыстау облыстарының биоалуантүрлілігін сақтау үшін жастар мен студенттер арасында еріктілер қозғалысын дамыту бойынша ынтымақтастық туралы меморандумдарға» қол қойылды.

Әлеуетті еріктілерді жағалау сызығы мен мұнаймен ластанған жануарларды тазартудың негізгі дағдыларына үйретудің маңыздылығы мен қажеттілігін түсіне отырып, Атырау облысы бойынша ТЖ департаментімен бірлесіп «Мұнайдың авариялық төгілуін жою кезінде еріктілерді даярлау бағдарламасы» әзірленіп, келісілді. Бағдарлама қауіпсіздік техникасы негіздері, мұнайдың төгілуін жою негіздері, сондай-ақ мұнай төгілуі кезінде құстарды құтқару жөніндегі базалық білімді қамтиды. Осы 2 күндік курстан өткеннен кейін барлық тыңдаушыларға сертификаттар беріледі: облыстық ТЖД мемлекеттік үлгідегі сертификаты және KMG SS тыңдаушысының сертификаты. Оқытудан өткеннен кейін еріктілер жеке қорғану құралдарының (киім-кешек) міндетті жиынтығы туралы, сондай-ақ еріктілерге арналған жұмыс түрлері, өзара іс-қимыл жүйесінің негіздері және ТЖ кезінде басқарудың жалпы құрылымындағы ахуал туралы біледі, сондай-ақ ден қоюдың алғашқы күндерінде де көмекті ұйымдастыра алады және мұнайдан зардап шеккен құстарға тәжірибелі сарапшылар келгенге дейін, сондай-ақ келесі кезеңдерде де алғашқы көмек көрсете алады. Сондай-ақ еріктілер қажетті сауалнамалар мен нысандарды толтыру рәсімдерімен танысады.